அம்மா

பிள்ளைப்பருவத்தில் தந்தையில்லை

பிழைக்கும் பருவத்தில் தாயுமில்லை

காதல் பருவத்தில் கணவணில்லை

தாயாகும் பருவத்தில் மட்டும்

தழைத்தோங்க எத்தனை பிள்ளைகள்

இருவரின் அன்பு தான்- ஒரு

பெண்ணை அம்மாவாக உயர்த்தும்

இவள் ஒருத்தியின் அன்பு மட்டும்

இவளை அம்மா என உயர்த்தியது

வீம்பிற்கு பல செய்தாள்

நல் விதைகளும் சில விதைத்தாள்

ஆண்களின் கர்வத்தெல்லாம்

அடக்கிய ஆண்டாள்

அரையடி இடைவெளி

அவள் ஆண்மையின் அடையாளம்

புகழாரம் பாடும் நான்

இன்றும் இவரை

ஒரு தலைவராய் வெறுக்கின்றேன்

எனினும்

மரணத்தை நீ தழுவையிலே

மரணம் கூட உனக்கு

எளிதாக இல்லையே எனும்

வருத்தத்தில் வாடுகிறேன்

சக மனிதனாக…