அவளும்... மழையும்...

மேகங்கள் கண் மையிட்டு

மண் வாசம் நாசி தொட்டு

மனதோடு மேளமிட்டு

எனை வந்து நனைக்கிறது

யான் காண ஏங்கும்

என்னவள் போல் மாமழையும்

என் இதயத்தின் காதல் நீரோடை

உட்கொண்ட-உன் இதயமுகில்கள்

பாரம் தாங்க இயலாமல்-என் மீதே

காதல் மழையாய்  பெய்ததடி காதலியே

மனிதனை மந்தமாக்கி

உலகை இரசிக்கச் செய்வதில்

மனதை மயக்கச் செய்வதில்

காதலும் மழையும் ஒன்றே

அன்பும் இறையும்

அவளும் மழையும்

இவையே போதும்

இவண் வாழ்ந்திடவே!!