எனக்கும் ஒரு மகள் பிறப்பாள்…

உலக உயிர்களுக்கெலாம் உயிர் தரும்

உன்னத பெண்மை அனைவரிலும் உண்டு

அப்பெண்மையை அதிகமாய் உண்டு

அதனுடன் அழகுடலும் கொண்டு

அமைதிக்கும் ஆக்கிரோ‌ஷத்திற்கும் இடையில்

அன்போடு பயணிக்கும் உயிர் ஒன்றென்றால்

அன்புறும் பெண்மை தான்…

தொப்புள் கொடி கொண்டு அவளுடன்

தொற்றியிருந்த என் உடலை அறுக்கச்சொல்லி

அவள் மார்போடு அணைத்து கொண்டவள் என் அன்னை..

மண்டையில் ஏதும் ஏறாதபோதும்

உன்னால் முடியுமென தட்டி கொடுத்து

தளர விடாமல் தடுத்தவள் என் தோழி….

ஒரு பாதி உடலாக உயிரோடு கலந்தவள்

கனவுகளிலும் காதோரம் கதை சொல்பவள்

யாரும் சீண்டாத எனையும் அழகனென அழைப்பவள்

உடனிருந்து உயிருக்கே உயிர் சேர்ப்பவள்

எனை ஆள்பவள் அவள் தான் என்னவள்…

எனை ஆள்பவள் உடல் வழி

என் காதலால்

எனில் வாழ்பவள் வருவாள்- அடடா

எனக்கும் ஒரு மகள் பிறப்பாள்…