காந்தி சிலை

மனையாள்

உன்னுடைய ஆசையெல்லாம்

தனதாய் மாற்றிக்கொண்டு

மனதை ஒப்படைத்து

மஞ்சம் சேர்பவளை 

மதியாது வாழாதே

மதிகெட்டு போகாதே

அழைத்து வந்தவளை அலட்சியபடுத்தி

அவள் அழகை அழுகையில் கரைக்காதே

மண்டியிட்டு மன்னிப்பு கேள்

ஆண்மையெனும் ஆணவ கோமணத்தை

அவிழ்த்து அம்மண ஆண்மகனாய்

மனையாளைச் சேர். 

*இசைஞானி*

செல்வத்தில் சிறப்பாம் செவியென

சொன்னான் எம் மறையின் ஆசான்

வள்ளுவப் பெருந்தகை

அச்செவியினையே மகிழ்வுறச் செய்யும்

செந்தமிழிசையோ சிறு மானிடன் உருவில்

இம்மண்ணிற்கு வருகை

பிரச்சினைகள் பல இருப்பினும்

படுக்கை செல்கையில்

இவன் இசை அருகிருந்தால்

இன்பமாய் இதயமும் நிறைந்திடும்

மனையாளின் கோவம் தீர்க்க

மந்திரங்கள் தேவையில்லை

*மண்ணில் இந்த காதல் அன்றி* என

மண்டியிட்டு அவள் கைபிடித்தால்

மஞ்சம் சேர்ந்திடலாம், மன்னிப்பும் வழங்கப்படும்

சீரிய தைரியமும்

சித்தமும் இசையென வாழும்

சித்தன் நீயே!

அழியா இசையை பாமரனுக்கும்

அளித்தருளும் அண்ணலே-உனது

அடியேனின் அன்பு வாழ்த்துக்கள்…