இப்படிக்கு, சமூகம்.

சமூக அநியாயங்களை உரக்கச்  சாடுபவன்,

ஆற்றாமைக் கொண்டவன்

சத்தியமும் தர்மமும் வாழ்க்கையாய் கொண்டவன்,

பிழைக்கத் தெரியாதவன்

மனத்தில் இருந்து கலங்கமின்றி பேசுபவன்,

பேசத்தெரியாதவன்

இயலாதவனுக்கு இயன்றதை தருபவன்,

நடிகன்

இருப்பதனைத்தையும் தானம் செய்வதுபோல நடிப்பவன்,

தலைவன்

நுனிநாக்கில் பிறமொழி பேசி

அடிநாக்கில்  அரைவார்தை கூட தமிழ் கதைக்காதவன்,

அறிவாளி

பகுத்தறிவு பேசுபவன்,

முட்டாள்

பட்டை நாமம் அணிந்துக்கொண்டு

ஆலயத்தினுள் அரைக்கால்

சட்டை அணிந்து வரும்

பெண்டிற் பின்னழகை இரசிப்பவன்,

பக்தன்

பிள்ளை பெற்றுக்கொள்ள மட்டுமே

எமக்கு ஆண் தேவை என்பவள்,

பெண்ணியவாதி

அன்புறும் மனைவிக்கு சேவை செய்பவன்,

பொட்டை

இனத்தின் விடுதலைக்கு உயிர் நீத்தவன்,

தீவிரவாதி

இனத்தலைவன் இனத்தலைவனென

இன்னல்களெதுவுமே கண்டிராமல்

கண்டனங்கள் மட்டும் தெரிவிப்பவன்,

புரட்சிப் போராளி

இப்படிக்கு,

சமூகம்.